სამტრედიის მუნიციპალიტეტის მერმა, დავით ბახტაძემ ოლიმპიურ ფესტივალში მონაწილე წარმატებული ახალგაზრდები, მათი მწვრთნელები და საორგანიზაციო პროცესში ჩართული პირები დააჯილდოვა.
მერმა ახალგაზრდებს მიღწეული წარმატება მიულოცა და აღნიშნა, რომ სასიხარულოა იმერეთის ნაკრების წარმატებული გამოსვლა ფესტივალზე, რომლის შემადგენლობაშიც სამტრედიელი ახალგაზრდები აქტიურად იყვნენ წარმოდგენილნი. მათი მნიშვნელოვანი წვლილის შედეგად, იმერეთის ნაკრებმა საპრიზო მესამე ადგილი მოიპოვა.
დავით ბახტაძის განცხადებით, მუნიციპალიტეტისთვის განსაკუთრებით მნიშვნელოვანია ახალგაზრდების მხარდაჭერა, მათი წახალისება და ისეთი გარემოს შექმნა, რომელიც მათ მომავალ წარმატებებს შეუწყობს ხელს. მონაწილეებსა და გამარჯვებულებს ფულადი ჯილდოები სიგელები გადაეცათ.
დაჯილდოების ფარგლებში მუნიციპალიტეტის მერმა მადლობა გადაუხადა ასევე სპორტის სფეროს წარმომადგენლებს, მწვრთნელებსა და კულტურის, განათლების, სპორტისა და ახალგაზრდობის სამსახურის თანამშრომლებს, რომლებმაც მნიშვნელოვანი წვლილი შეიტანეს ღონისძიების წარმატებით ორგანიზებასა და ახალგაზრდების მხარდაჭერაში.
