სამუშაოები პარალელურად მიმდინარეობს 15-ე და 25-ე ქუჩების მიმდებარედაც.
მშენებლობის მიმდინარეობას ადგილზე გაეცნო სამტრედიის მუნიციპალიტეტის მერი დავით ბახტაძე ადგილობრივი თვითმმართველობის წარმომადგენლებთან ერთად. მერმა სამუშაოები დაათვალიერა და მოსახლეობას ესაუბრა.
ახალი გზის მოწყობა მნიშვნელოვნად გააუმჯობესებს როგორც საცხოვრებელ პირობებს, ისე სატრანსპორტო ინფრასტრუქტურას.
პროექტი ხორციელდება ადგილობრივი ბიუჯეტისა და რეგიონული განვითარების ფონდის მხარდაჭერით და მიზნად ისახავს მუნიციპალიტეტის ყველა უბნის თანაბარ განვითარებას. სამტრედიის მუნიციპალიტეტი აქტიურად განაგრძობს ინფრასტრუქტურულ პროექტებს სოფლებში და ცდილობს, თითოეული მოქალაქის საჭიროებაზე მაქსიმალურად ორიენტირებული იყოს.
