მუნიციპალიტეტის მერმა დავით ბახტაძემ, საკრებულოს თავმჯდომარის პირველ მოადგილესთან, ვაჟა სტურუასთან და მოადგილესთან, გიორგი მეიშვილთან ერთად შობა–ახალი წელი სტრატეგიული დანიშნულების ობიექტებში, 24 საათიან რეჟიმში მომუშავე პერსონალს მიულოცა.

სახანძრო–სამაშველო სამსახური, სამტრედიის მრავალპროფილური სამედიცინო ცენტრი, სამტრედიის პოლიცია, საქართველოს რკინიგზა, ენერგო–პრო ჯორჯია, კომუნალური და კეთილმოწყობის სამსახურები, სასწრაფო–სამედიცინო დახმარება, ბავშვთა საავადმყოფო და სხვა...–ეს ის ობიექტებია, სადაც მუნიციპალიტეტის მერმა დღეს საჩუქრები მიიტანა.

განსაკუთრებული სიახლით იწყებს 2024 წელს ჯეოჰოსპიტალსის სამტრედიის სამედიცინო ცენტრი. რამდენიმეწლიანი პაუზის შემდეგ ფუნქციონირებას იწყებს სამეანო–გინეკოლოგიური განყოფილება.

,,ეს იქნება წლის მთავარი სიახლე, რომელსაც დარწმუნებული ვარ, დიდი ხანია ელის ჩვენი მომხმარებელი. სამეანო–გინეკოლოგიური განყოფილების გახსნა არა მარტო სამტრედიისთვის, არამედ მიმდებარე მუნიციპალიტეტებისთვისაც ხელსაყრელია. ახალი სიცოცხლის დაბადებას ყველა მოუთმენლად ველით. მიხარია, რომ სამტრედიის მუნიციპალიტეტის მერია და პირადად მერი, დავით ბახტაძე ჩვენთან მჭიდროდ თანამშრომლობს. მათი მხარდაჭერით და მყისიერი რეაგირებით ბევრ საკითხს დადებითად ვწყვეტთ,’’ აღნიშნა ჯეოჰოსპიტალსის სამტრედიის სამედიცინო ცნტრის ხელმძღვანელმა, გიორგი კუხიანიძემ. განყოფილება სრულად იქნება აღჭურვილი თანამედროვე სამედიცინო აპარატურით და განახლებული მედპერსონალით.

დღესვე დავით ბახტაძემ დააანონსა, რომ სამტრედიაში დაბადებული პირველი ახალშობილი, მუნიციპალიტეტის მერიისგან, სიმბოლურ საჩუქარს მიიღებს.

დავით ბახტაძე-,,ეს ის ადამიანები არიან, რომლებიც მუდმივად დგანან ჩვენი ქვეყნის სადარაჯოზე, ზრუნავენ ჩვენი მოქალაქეების უსაფრთხოებასა და ჯანმრთელობაზე. მადლობა თითოეულ მათგანს. ბედნიერი, წარმატებული და მშვიდობიანი 2024 წელი".