სამტრედიაში პირველად, მუნიციპალიტეტის მერიის და საგანმანათლებლო რესურსცენტრის ორგანიზებით ნაბაკევის ახალ პარკში, სამტრედიის ზოგადსაგანმანათლებლო დაწესებულებების, საჯარო და კერძო სკოლების ჩართულობით „ანიმაციური ფესტივალი“ ჩატარდა.
მოსახლეობისთვის კვლავ პრიორიტეტად რჩება ადგილობრივი მნიშვნელობის გზების მოწესრიგება.
ამ ეტაპზე, დაბლა გომში, სოფელ კეთილაურამდე შემაერთებელი გზის დაგება მიმდინარეობს.
სამუშაო დაფინანსებულია რეგიონებში განსახორციელებელი პროექტების ფონდიდან გამოყოფილი სახსრებით და ადგილობრივი ბიუჯეტის თანადაფინანსებით.
უმნიშვნელოვანესია, რომ ყველა დასახლებამდე მისასვლელი გზა იყოს მოწესრიგებული.
აღნიშნულ მონაკვეთზე არასდროს არ ყოფილა კაპიტალურად კეთილმოწყობილი გზა, შესაბამისად ადგილობრივები კმაყოფილებას გამოხატავენ.
ახალი სპორტული მოედანი ეწყობა ვაზისუბანში, მრავალბინიანი კორპუსების დასახლებაში.
მიმდინარე ინფრასტრუქტურული პროექტები მუნციპალიტეტის მერმა, დავით ბახტაძემ, ზედამხედველობის სამსახურის უფროსთან, ამირან თევდორაძესთან და ადგილობრივი თვითმმართველობის წარმომადგენლებთან ერთად დაათვალიერა.
დავით ბახტაძე- ,,ჩვენ ყოველთვის, ადგილობრივ მოსახლეობასთან გამოვლენილი პრიორიტეტების მიხედვით ვგეგმავთ სამუშაოებს. ყველა მიმდინარე სამუშაო იქნა დაგეგმილი მოსახლეობების პრიორიტეტიბის და მათი საჭიროებები მიხედვით, ასევე მომავალშიც გაგრძელდება, ეტაპობრივაფ ყველა დასახლებამდე მისასვლელი გზა უნდა იყოს თანამედროვე, მოწესრიგებული და ამ მიზნებისთვის საკმაოდ ბევრი საპროექტო სახარჯაღვრიცხო დოკუმენტაცია გვაქვს უკვე ამ ეტაპზე დამზადებული. რაც შეეხება სპორტული სივრცის მოწყობას, როგორც ვატყობთ, ძალიან გავახარეთ ადგილობრივები, განსაკუთრებით პატარები, რომლებიც ვიმედოვნებ, რომ ჯანსაღი ცხოვრების წესით დაკავდებიან და იქნებიან სასახლო გოგო -ბიჭები."
