დღეს მუნიციპალიტეტის მერიის ხელოვანთა დარბაზში სამტრედიაში არსებული სამუსიკო და სახელოვნებო სკოლების წლის შემაჯამებელი კონცერტი გაიმართა.
სამუსიკო სკოლების მოსწავლეები მთელი წლის განმავლობაში აქტიურად არიან ჩართულები და მონაწილეობას ღებულობენ სხვადასხვა ფესტივალსა და კონკურსებში.
მათ შორიასაა საქართველოს კათოლიკოს პატრიარქის ილია მეორის პატრონაჟით გამართული სენაკის არტფესტივალი, რომელსაც ხელმძღვანელობს ხელოვნების აკადემიის რექტორი ვალერიან შიუკაშვილი და საყმაწვილო ფესტივალი ,,დელფიადა“.
აღნიშნული ფესტივალი ნაყოფიერი აღმოჩნდა სამტრედიელი მოსწავლეებისთვის. მათგან ბევრი საპატიო დიპლომების, გრან–პრის, ლაურეატისა და სტიპენდიის მფლობელი გახდა.
დღევანდელ შემაჯამებელ კონცერტში მონაწილეობა მიიღეს დ. შანიძის სახელონის N1 სახელოვნებო სკოლამ, N2 სახელოვნებო სკოლამ, დიდი ჯიხაიშის, როლების, კულაშისა და გომის სახელოვნებო სკოლებმა.
დავით ბახტაძე – ,,სასიხარულოა ის ფაქტი, რომ სამტრედიაში ამდენი ნიჭიერი ახალგაზრდა იზრდება. ორმაგად სასიამოვნოა, როცა მუნიციპალიტეტის მერიას გვაქვს შესაძლებლობა მხარი დავუჭიროთ მათთვის სასურველი გარემოს და სასწავლო პროცესის შექმნას. ეს ასეც უნდა იყოს და მომავალშიც დიდ წარმატებებს უნდა მივაღწიოთ ერთობლივი შრომით. მადლობას გიხდით ასეთი შემაჯამებელი წარდგენისთვის.“
კონცერტს მუნიციპალიტეტის მერთან ერთად ესწრებოდნენ საკრებულოსა და სხვადასხვა სამსახურის წარმომადგენლები.
დასასრულს ღონისძიების მონაწილე სკოლებს, წლის განმავლობაში ნაყოფიერი მუშაობისთვის, მუნიციპალიტეტის მერისგან მადლობის სიგელები გადაეცა.