სამტრედიის მუნიციპალიტეტის მერიაში სამუშაო შეხვედრა გაიმართა, რომელსაც მუნიციპალიტეტის მერი დავით ბახტაძე უძღვებოდა.შეხვედრას მერიის სამსახურების ხელმძღვანელები და ადმინისტრაციულ ერთეულებში მერის წარმომადგენლები ესწრებოდნენ.
შეხვედრაზე განიხილეს მუნიციპალიტეტში მიმდინარე, დაგეგმილი და უკვე დასრულებული ინფრასტრუქტურული პროექტები. ყურადღება გამახვილდა სამუშაოების მიმდინარეობაზე, შესრულების ხარისხსა და ვადების დაცვაზე.
ადმინისტრაციულ ერთეულებში მერის წარმომადგენლებმა დავით ბახტაძეს სოფლებში არსებული საჭიროებებისა და მიმდინარე საკითხების შესახებ ინფორმაცია მიაწოდეს. შეხვედრაზე ასევე განიხილეს მოქალაქეების მიერ დასმული საკითხები და მათი დროული გადაწყვეტის გზები.
მუნიციპალიტეტის მერმა შესაბამისი სამსახურების ხელმძღვანელებს მიმდინარე პროექტებზე აქტიური მონიტორინგისა და სამუშაო პროცესის კოორდინირებულად წარმართვისკენ მოუწოდა.
დავით ბახტაძის განცხადებით, მუნიციპალიტეტისთვის მნიშვნელოვანია როგორც მიმდინარე ინფრასტრუქტურული პროექტების ხარისხიანად და დროულად დასრულება, ასევე მოსახლეობის საჭიროებებზე მაქსიმალურად სწრაფი რეაგირება.
