მუნიციპალიტეტის მერმა დავით ბახტაძემ ახალგაზრდებთან ერთად იმ ძირითად გამოწვევებსა და საჭიროებებზე ისაუბრა, რომლებიც ახალგაზრდული ინიციატივების განხორციელებასა და მუნიციპალიტეტის განვითარებაში მათი აქტიური ჩართულობის მნიშვნელობას უკავშირდება.
შეხვედრას ასევე ესწრებოდნენ მერის მოადგილე ამირან თევდორაძე და კულტურის სამსახურის ხელმძღვანელი ნატალია მანჯგალაძე.
სამუშაო შეხვედრის ფარგლებში განიხილეს ახალგაზრდების მიერ წამოჭრილი საკითხები, მომზადებული რეკომენდაციები და სხვადასხვა ინიციატივა, რომლებიც მუნიციპალიტეტში ახალგაზრდული მიმართულებების გაძლიერებას შეუწყობს ხელს.
მერის ახალგაზრდული მრჩეველთა საბჭო სამტრედიის მუნიციპალიტეტის საჯარო სკოლების მოსწავლეებისა და სტუდენტებისგან არის დაკომპლექტებული.
